"Аз зери хона об меравад, девор чаппа шавад, чӣ кор кунем?"

Сокинони ҳадди ақал чаҳор манзил дар кӯчаи Зайнаббибии шаҳри Душанбе гуфтанд, ки хонаҳояшон бо хатари фурӯравӣ рӯ ба рӯ аст. Шикоф шудани лӯлаи обрасонӣ дар зери замини кӯча, хоки зери манзилҳоро нарм сохта, боис ба фурӯ рехтани сохтмонҳо шудааст. Ин ҳодиса пас аз он сар зад, ки "Корхонаи обу корез"-и Душанбе дар манзили сокинони ин кӯча ҳисобкунаки об насб намуд.