Истиқбол аз Сомон Маҳмадбеков дар Душанбе

Рӯзи 24-уми октябр садҳо нафар дар Фурудгоҳи байналмилалии Душанбе бо парчамафшонӣ ва гулдаставу шиорҳо, нахустин қаҳрамони ҷаҳон оид ба ҷудо миёни ҷавонон Сомон Маҳмадбековро истиқбол карданд. Сомон Маҳмадбеков шаби 17-уми октябр дар сабқати қаҳрамони ҷаҳон оид ба ҷудо миёни ҷавонон дар Марокаш дар вазни 73 кило ғолиб омада, аввалин медали тиллои ин сабқати бонуфузро ба Тоҷикистон овард.