Вай 88 сол дошт.
Се фарзандаш дар бораи даргузашти ӯ ба расонаҳо хабар дода, аммо иллати маргашро нагуфтаанд. Делон дар соли 2019 гирифтори сактаи мағзӣ шуда буд.
Ален Делон дар моҳи ноябри соли 1935 дар канори шаҳри Порис (Париж) ба дунё омадааст. Баъди ҷудо шудани волидонаш дар оилае мезист, ки ӯро ба парасторӣ гирифта буданд.
Ҳунарпешаи оянда он замон мактабро тарк кард ва ба артиш рафт. Дар нимаи солҳои 50-ум тасодуфӣ ба олами синамо ворид шуд.
Делон дар даҳҳо филм нақш офарида, бо коргардонҳои шӯҳратёре чун Микеланҷело Антонионӣ, Жан-Перр Мелвилл, Жозеф Лосӣ ва Жан-Люк Годар ҳамкорӣ дошт.
