Имрӯз барои аввалин бор президенти Афғонистон Ҳомиди Карзай дар бораи воҳиди артиши ИМА, ки масъули куштори афғонҳои бегуноҳ мебошад, ошкоро сӯҳбат кард. Президенти афғон гуфт, ӯ мехоҳад ба амрикоиҳои одӣ нишон диҳад, ки як дастаи қотилон аз номи онҳо пиру ҷавони афғонро азият додааст.
Ҳафтаи равон маҷаллаи Роллинг Стоун (Rolling Stone) як мақолаи муфассал ва силсилаи аксҳои сарбозони амрикоии муттаҳам бо ин кушторҳоро ба табъ расонд. Ҳомид Карзай изҳори умед кардааст, ки “Худо ҷазои ин афродро хоҳад дод!”.
