Дар Покистон 7 феврал - як рӯз пеш интихоботи парлумонӣ дар як дафтари интихоботии номзади мустақил бомба таркид. Мақомот гуфтанд, дар таркише, ки дар ноҳияи Пашини вилояти Балуҷистон рух дод, дастикам 14 нафар куштаву беш аз бист кас маҷрӯҳ шуданд.
Дар бораи ин ҳодиса сухангӯи волӣ Ҷон Ачакзай хабар дод. Ӯ гуфт, ки маҷрӯҳонро ба як беморхонаи наздикии маҳалли таркиш интиқол доданд. Ҳанӯз ҳеҷ нафаре масъулияти ин ҳамларо ба дӯш нагирифтааст. Қарор аст фардо, 8 феврал дар Покистон интихобот баргузор шавад.
