Дафтари Созмони Милал дар Афғонистон рӯзи 22-юми декабр аз Толибони ҳоким дар ин кишвар хост, фармони манъи таҳсили духтаронро дар донишгоҳҳои олӣ беэътибор карда, дари онҳоро ба рӯи бонувон кушоянд.
Ҷангҷӯёни Толибон рӯзи 21-уми декабр духтарони донишҷӯро ба донишгоҳу донишкадаҳо роҳ надоданд ва табибони оянда дар шарқи Афғонистон ба зидди ин фармон эътироз карданд.
Вазорати маорифи Толибон рӯзи 20-уми декабр бо ирсоли номае ба донишгоҳҳои олӣ аз онҳо хост, дигар духтаронро ба дарс роҳ надиҳанд.
Ҷомеаи байнулмилалӣ ин амри Толибонро танқид кард.
Дафтари Созмони Милал дар Афғонистон бо нашри баёнияе гуфтааст: “Ҷилавгирӣ аз ширкати маънодори нимае аз аҳолӣ дар ҷомеа ва иқтисод, таъсири вайронгаре бар тамоми кишвар хоҳад дошт.”
Дипломатҳои Созмони Милал аз Толибон хостаанд, тамоми дари донишгоҳу мактабҳоро ба рӯи духтарон билофосила боз кунанд.
Гуфтугӯ