Мақомот гуфтанд, 110 шаҳрванди дигари Тоҷикистонро, ки аз Украина ба Лаҳистон (Полша) паноҳ бурда буданд, ба кишвар оварданд.
Сафари ин гуруҳи сокинон субҳи 26-уми март сурат гирифтааст.
Дар умум, аз оғози ҷанги Русия дар Украина беш аз ду ҳазор шаҳрванди Тоҷикистон аз он кишвар ба Лаҳистону давлатҳои дигари аврупоӣ рафтанд.
То ин дам 413 нафар ба кишвар баргардонда шуданд.
Дар Украина ҳузури чаҳор ҳазор шаҳрванди Тоҷикистон тасдиқ шуда буд. Онҳо дар онҷо кору таҳсил мекарданд.
