Пайвандҳои дастрасӣ

"Доналд Трампи хурдӣ ва ҳамсараш ҷудо мешаванд"


Доналд Трампи хурдӣ

Доналд Трампи хурдӣ, писари калонии Доналд Трамп, раиси ҷумҳури Амрико ва ҳамсараш Ванесса аз ҳам ҷудо мешаванд. Шабакаи телевизионии CNN дар ин бора бо такя ба аризаи муштараки онҳо хабар дод.

Никоҳи Трампи хурдӣ ва Ванесса 12 сол идома кард. Онҳо гуфтаанд, ки акнун ба нигоҳубин ва меҳрубонии панҷ фарзанди худ авлавият хоҳанд дод.

Расонаҳои Page Six ва New York Daily News хабар доданд, ки келини раиси ҷумҳури Амрико рӯзи панҷшанбе барои талоқ аз шавҳараш ба Додгоҳи олии Манҳеттен муроҷиат кардааст. Аммо дар Кохи Сафед ин хабарро тавзеҳ намедиҳанд.

Аризаи Ванесса дар ҳамон рӯзе ба додгоҳ супурда шуд, ки додситони махсус Роберт Мюллер, масъули таҳқиқи дахолати эҳтимолии Маскав дар интихоботи президентии соли 2016, аз Trump Organization санадҳои муртабит бо Русияро бидиҳанд. Бино ба гузоришҳо, Мюллер маводеро талаб кардааст, ки ба фаъолияти соҳибкории Трамп дар Русия иртиботи мустақим мегирад.

“Эҳтимол Ванесса мехоҳад, худро аз ин таҳқиқот дур бигирад”, – ишора кардааст яке аз манбаъҳои New York Daily News.

Видеоҳои охирин

Каромат Шарипов: "Ихроҷи ман аз Русия одамфурӯшӣ аст!"
лутфан мунтазир бошед
### Эмбед ###

### Феълан кор намекунад ###

0:00 0:03:27 0:00

Озодӣ дар iOS ва Google Play

XS
SM
MD
LG