Нахуствазири Туркия Раҷаб Тайиб Эрдуғон имрӯз бо як сафари дурӯза ва мулоқот бо раҳбарони Эрон вориди Теҳрон шуд. Қарор аст, дар меҳвари гуфтугӯҳо барномаи ҳастаии Эрон ва вазъи Сурия қарор гирад. Эрдуғон ният дорад бо президент Маҳмуди Аҳмадинажод ва раиси парлумон Алии Лориҷонӣ гуфтугӯ кунад. Эрдуғон дар остонаи сафараш ба Теҳрон гуфт, ки ҳудудан 17 ҳазор муҳоҷири суриягӣ марзи Туркияро убур карданд ва аз ин хотир Истамбул “наметавонад танҳо тамошобини” ин рӯйдодҳо бошад.
