Украина барои табодули асирон омода мешавад. САДО

Ноябр 19, 2017

Сарбози Украина пеш аз сафарбар шудан ба шарқи кишвар барои мубориза бо ҷудоиталабон.

Баёнияҳои зиёди тарафҳои мухолиф нишон медиҳад, ки давлати Украина ва ҷудоиталабони тарафдори Русия дар шарқи ин кишвар ба табодули дигари асирон омода мешаванд. Юрий Тандит, мушовири Хадамоти Амнияти Миллии Украина, рӯзи 18-уми ноябр ба Шабакаи 5, яке аз телевизионҳои дохилӣ гуфтааст, ки корҳо сари ин масъала зуд ҷараён доранд, “зеро мардони зиёде онҷо се сол боз дар асоратанд.”

Хушбинӣ дар бораи табодули асирон баъди он зиёд шуд, ки ҳукумати Русия гуфт, раиси ҷумҳур Владимир Путин рӯзи 15-уми ноябр ба раҳбарони ҷудоиталабон дар вилоятҳои Донетск ва Луганск, Александр Захарченков ва Игор Плотнитский дар сӯҳбати телефонӣ гуфтааст, ки тарафдори табодули асирон бо Киев мебошад.

Ҷанг мактабу муассисаҳои зиёдеро аз байн бурдааст.

Дмитрий Песков, сухангӯи раиси ҷумҳури Русия гуфт, Захарченко ва Плотнитский дар усул тарафдори табодули асирон ҳастанд, вале “зикр кардаанд, ки баъзе аз масъалаҳо ҳаст, ки бояд бо намояндагони Украина баррасӣ шаванд.”

Хадамоти Амнияти Миллии Украина рӯзи 16-уми ноябр гуфт, ки аз “ҳаргуна қадаме”, ки Русия барои мусоидат ба табодули асирон байни Киев ва ҷудоиталабон дар шарқи Украина мебардорад, ҳимоят мекунад.

Юрий Тандит гуфтааст, ки Хадамоти Амнияти Миллии Украина омода аст, садҳо ҷудоиталаберо, ки мақомоти Украина ба асорат гирифтаанд, бо сарбозони украинии асир дар дасти ҷудоиталабон иваз кунад.

Бино ба гузоришҳо, Украина 306 размандаи ҷудоиталаб ва ҷудоиталабон 74 сарбози давлатро дар даст доранд. Ҷудоиталабони тарафдори Русия аз соли 2014 вилояти Донетск ва Луганскро зери назорати худ гирифтаанд. Онҳо соли 2014 баъди аз ҳукумат барканор шудани Виктор Янукович, раиси ҷумҳури Украина, ки дӯсти Русия буд, ба по хестанд ва худро ҷудо аз ин кишвар эълон карданд. Русияро дар барангехтани ҷудоиталабӣ дар Украина муттаҳам мекунанд.

Embed

Украина барои табодули асирон омода мешавад

Аз ҷониби Радиои Озодӣ

Феълан кор намекунад

0:00 0:02:10 0:00

Русия Донетску Луганскро ба расмият намешиносад ва гуфтааст, ки аз тамомияти арзии Украина ҳимоят мекунад. Ҳукумати Русия ҳамчунин мегӯяд, ки ба ҷудоиталабон аслиҳаву нерӯ намефиристад, ҳарчанд ҳукумати Украина ва НАТО мегӯянд, далелҳои собит дар ин заминаро доранд. Дар ҷанги сесола дар шарқи Украина то кунун 10 ҳазор нафар кушта шудаанд.