Дастаи мунтахаби футболи ҷавонони Узбекистон мусобиқоти қаҳрамонии футболи ҷаҳон (U-20)-ро, ки дар Аргентина идома дорад, тарк кард.
Футболбозони узбекистонӣ 30-юми май дар бозӣ бо дастаи мунтахаби ҷавонони Исроил дар майдони "Малвинас Аргентинас" дар даври 1/8 бо ҳисоби 0:1 шикаст хӯрданд.
Ягона голро дар ин вохӯрӣ Анан Халаили 18-сола дар дақиқаи ҳафтуми иловагӣ ба нимаи дувуми бозӣ ба ҳадаф расонд.
Интизор меравад, футболбозони исроилӣ бо ғолиби вохӯрие, ки 3-юми июн миёни дастаҳои Тунис ва Бразилия баргузор мешавад, дар даври чаҳорякниҳоӣ рақобат кунанд.
Ин мусобиқот то 11-уми июн идома мекунад.
Гуфтугӯ