Фаъоли маданӣ Виталий Бородин аз Додситонии кулли Русия хостааст, ки фаъолияти сарояндаи машҳур Алла Пугачёваро ба гумони сармоягузорӣ ба артиши Украина тафтиш кунад.
Расонаҳои Русия навиштаанд, дархости Бородин ба унвонии Додситони кулли он кишвар Игор Краснов фиристода шудааст.
Бородин гуфтааст, Пугачёва дар Исроил зиндагӣ мекунад ва аз фарҳангиёне, ки Русияро тарк кардаанд, пуштибонӣ ва ҷангро интиқод карда, "ба артиши Украина кумаки молӣ мерасонад".
Вай ҳамчунин зикр кардааст, ки "сармоягузории Пугачёваро дар хориҷ ва робитаи ӯро бо хадамоти махсуси ғарбӣ муайян намудааст".
Пештар Бородин аз Додситонии кулли Русия даъват карда буд, ки сарояндаи ин кишвар Лия Ахеҷаковаро ҳам "агенти хориҷӣ" биномад.
Алла Пугачёва пас аз оғози ҷанги Русия дар Украина ҳамроҳи шавҳар ва фарзандонаш Русияро тарк кард.
Гуфтугӯ