Намоиши тасвири Вячеслав Охунов, рассоми маъруфи узбек, ба номи "Вақте Бухороро бомбаборон карданд" дар Осорхонаи давлатии санъати Узбекистон бо сабабҳои номаълум баргузор нашуд.
Ин расмро 25-уми март аз маҷмуаи шахсие аз Амрико ба шаҳри Тошканд оварда буданд.
Вячеслав Охунов гуфт, мудири Осорхонаи давлатии санъати Узбекистон Василя Файзиева иҷозат надодааст, ки расми ӯ намоиш дода шавад.
"Фикр мекунам, барои он намоиш надоданд, ки русҳоро аз ҳад зиёд хашмгин накунанд. Зеро русҳо Бухоро, "Бухорои Шариф"-и муқаддасро, ки яке аз сутунҳои ҷаҳони Ислом ба шумор меравад, бомбаборон карданд", - гуфт Охунов.
Расми "Вақте Бухоро бомбаборон карданд" ахиран дар яке аз маҷмуаҳои шахсӣ дар Амрико пайдо шуд ва ҳафтаи гузашта онро ба Узбекистон оварданд.
Гуфтугӯ