Роҳбарони Иттиҳоди Аврупо нақшаи ирсоли як миллион гулӯлаи тӯпхонаиро давоми 12 моҳи оянда ба Украина тасдиқ карданд.
Вазирони корҳои хориҷӣ ва мудофиаи Иттиҳод ин нақшаро ибтидои ҳафтаи ҷорӣ тасдиқ карданд ва роҳбарони 27 кишвари узви Иттиҳоди Аврупо ризояти сиёсии худро рӯзи 23-юми март дар нишасти Брюссел доданд.
"Бо назардошти манфиатҳои амниятӣ ва мудофиаи ҳамаи кишварҳои узв, Шӯрои Аврупо аз созиши ба таври фаврӣ ирсол кардани мушакҳои навъи "замин-замин" ва дигар муҳимоти ҷангӣ ба Украина истиқбол мекунад", - омадааст дар изҳороти Иттиҳод.
"Русия бояд ба хушунати худ хотима диҳад ва фавран, бе қайду шарт артишашро аз ҳамаи ҳудуди Украина берун барад", - гуфт шудааст дар изҳорот.
Рӯзи 22-юми март хабар расид, ки Испания низ ба хариди муштараки муҳимоти ҷангӣ барои Украина мепайвандад.
Ба ин тартиб, шумори кишварҳои узви Иттиҳоди Аврупо, ки ба харидани муштараки муҳимоти ҷангӣ пайвастаанд, ба 18 расид.
Гуфтугӯ