Бино ба гузоришҳо, Маскаву Теҳрон тавофуқ кардаанд, ки Русия ҳавопаймоҳои бесарнишини эрониро худаш истеҳсол карда, дар майдони ҷанг дар Украина ба кор бибарад.
Рӯзномаи "Вашингтон Пост" рӯзи 19-уми ноябр бо такя ба се мақоми огоҳи амрикоӣ аз қазия навишт, тавофуқ дар аввали моҳи ноябр ниҳоӣ шудааст.
Ба иттилои манобеъ, Теҳрон дар ҳоли ҳозир "тарҳ ва ҷузъҳои муҳим"-ро барои оғози истеҳсоли дронҳо ба Русия месупорад.
Тибқи гузориш, ду ҷониб саъй доранд, дар моҳҳои наздик ба тавлиди дронҳо шуруъ кунанд. Дар он сурат, ба навиштаи нашрия, Русия метавонад, захираи дронҳои арзон, аммо бисёр вайронгарро афзоиш диҳад.
Русия то кунун садҳо ҳавопаймои худкуши сохти Эронро алайҳи зербиноҳои низомӣ ва ғайринизомии Украина истифода кардааст.
Маскав истифодаи ҳавопаймоҳои бесарнишини худкуши сохти Эронро рад кард. Теҳрон иқрор кардааст, ки ҳавопаймоҳоро тибқи созиш пеш аз ҳамлаи Русия ба Украина дода буд.
Гуфтугӯ