Номзадии узви шӯрои ҷамъиятии Остона Салтанат Турсунбекова ба мансаби президенти Қазоқистон пешбарӣ шудааст.
Турсунбекова масъалаҳои хушунати хонаводагиро дар Қазоқистон матраҳ мекунад. Ӯ лоиҳаи "Қазоқистони бидуни хушунат"-ро раҳбарӣ карда, ҳомии ҳуқуқ низ ба ҳисоб меравад.
Салтанат Турсунбекова дар ниҳодҳои гуногуни давлатӣ ва Додгоҳи олии Қазоқистон кор кардааст. Ӯ дувумин занест, ки довталаби курсии президентӣ дар Қазоқистон шудааст.
Интихоботи пеш аз муҳлати Қазоқистон рӯзи 20-уми ноябри имсол баргузор хоҳад шуд.
Президенти кунунии Қазоқистон Қосимҷомарт Тоқаев, раҳбари Пажӯҳишгоҳи иқтисодии маҷмааи байналмилалии илмии Остона Майрам Кажикен, Нурлан Ауесбоев аз ҷониби Ҳизби умумимиллии сотсиал-демократии Қазоқистон ва Жигули Дайрабоев аз ҳизби ҳукуматгарои "Ауил" номзадии худро ба мақоми президентӣ пешбарӣ кардаанд.
Гуфтугӯ