Рӯзи 24-уми май, дар моҳи чаҳоруми ҳамлаи Русия ба хоки Украина, нерӯҳои русӣ ҳамларо ба вилояти Луҳанск бештар карданд.
Ба назар мерасад, Русия мехоҳад, назорати минтақаи Донбасс ва соҳили ҷанубии Украинаро зери назорат бигирад.
Президенти Украина Владимир Зеленский 23-юми май дар паёме ба иштирокдорони Форуми ҷаҳонии Давос гуфт, дар се моҳи ҷанг Русия ба қаламрави Украина беш аз 1500 мушак сар дода, ҳавопаймоҳои Русия беш аз 3 000 ҳамлаи ҳавоӣ анҷом додаанд.
Хадамоти иктишофии Бритониё дар гузорише навишт, Русия мехоҳад, шаҳри Северо-Донетски вилояти Луҳанск ва минтақаҳои Лисичанску Рубижнии канори онро муҳосира кунад.
Ситоди марказии нерӯҳои Украина иброз доштааст, ки муқовимати нерӯҳои ин кишвар ба пешрафти Русия монеъ шудааст.
