Дар як ҳамла дар минтақаи ноороми Вазиристони Шимолӣ ҳафт сарбози Покистон кушта шудаанд.
Як мақоми баландпояи низомӣ ба бахши покистонии Радиои Озодӣ гуфт, ҷангҷуён рӯзи 14-уми апрел дар минтақаи Даттахел як мошини низомиёнро ҳадафи ҳамла қарор доданд.
Ин мақом афзудааст, сарбозон ҳангоми тирпарронӣ кушта шуданд. То кунун масъулияти рӯйдодро ҳеч гуруҳ напазируфтааст.