Пайвандҳои дастрасӣ

Хабари нав

Тоҷикистону Қирғизистон комиссияи об таъсис доданд. ВИДЕО


Музокироти ҳайатҳои Тоҷикистону Қирғизистон, 12-уми марти 2022
Музокироти ҳайатҳои Тоҷикистону Қирғизистон, 12-уми марти 2022

Ҳайатҳои Тоҷикистону Қирғизистон дар мулоқоте, ки 12-уми март дар гузаргоҳи сарҳадии "Гулистон"-и Исфара баргузор шуд, барои ҳалли масъалаҳои кишоварзии деҳаҳои наздимарзӣ аз ҳисоби кормандони хоҷагиҳои об ду ҷониб комиссия таъсис додаанд.

Дар ин бора хадамоти матбуоти ҳукумати вилояти Бодканди Қирғизистон иттилоъ дод. Манбаъ афзудааст, қисми аввали мулоқоти 12-уми март ба сабабҳои рух додани ҳодисаи ахир дар марзи ду кишвар бахшида шуда, дар қисми дувум чаҳор масъала баррасӣ гаштааст:

  • таъсиси комиссияи махсус оид ба обёрӣ таҳти раҳбарии муовинони аввали раисони вилоятҳо;
  • чорабиниҳои мунтазами фаҳмондадиҳӣ аз ҷониби кормандони милитсия ва мақомоти маҳаллӣ оид ба ҳифзи тартиботи ҷамъиятӣ дар деҳаҳои наздисарҳадӣ ва ҳамкорӣ барои пешгирии иғвоангезӣ
  • табодули фаврии иттилоъ дар бораи дуздии чорво дар марз ва баррасии баргардонидани онҳо ба соҳибонашон дар сатҳи мақомоти маҳаллӣ;
  • масъалаи манъи истифодаи дрон ё бесарнишинҳо дар марзӣ.
    Дар Чоркӯҳ чӣ шуду чӣ гузашт?
    лутфан мунтазир бошед
    Embed

    Феълан кор намекунад

    0:00 0:02:52 0:00

Аз 970 километр сарҳади Тоҷикистону Қирғизистон нисфе аз он таъйину нишонагузорӣ нашудааст ва номуайянӣ ҳар чанд вақт сабаби баҳсу муноқишаи мусаллаҳона байни ду ҳамсоя мешавад.

Низои хунбортарин миёни ду ҳамсоя охири моҳи апрели соли 2021 рух дод ва дар давоми се рӯзи низоъҳо даҳҳо нафар аз ҳарду тараф куштаву захмӣ шуданд.

XS
SM
MD
LG