Аҳолии Қазоқистон ба 19 миллиону 169 ҳазору 550 кас расидааст. Сарвазири Қазоқистон Аскар Мамин рӯзи 8-уми декабр гуфт, маъракаи шумориши аҳолӣ, ки аз 1-уми сентябр то 30-юми октябр сурат гирифт, чунин иттилоъ ба бор овардааст.
Мардон 51,8 ва занон 48,2 фоизи аҳолиро ташкил медодаанд. Ба ин тартиб, 33,97 дарсади аҳолии он кишвар кӯдакони то 17-сола, 19,72 фоиз ҷавонони то 28-сола ҳастанд.
Синни миёнаи аҳолии Қазоқистон 31,9-ро ташкил додааст. Дар умум 70,18 дарсади аҳолии Қазоқистон қазоқҳо будаанд.
Дар Қазоқистон соли 2009 низ шумориши аҳолӣ баргузор шуда буд. Он замон шумораи аҳолии Қазоқистон 16 миллионро ташкил медод.
