Пайвандҳои дастрасӣ

Хабари нав

Аз сокинони Туркманистон талаб шудааст, ки танҳо мошини сафед ронанд


Шаҳри Ишқобод
Шаҳри Ишқобод

Дар Туркманистон дар мавриди симои зоҳирии мошинҳо қоидаи нав ҷорӣ шудааст. Бар асоси қоидаи нав, ранги ҳамаи қисмҳои мошин, аз ҷумла қисмҳои аслии он бояд сафед бошанд.

Ба иттилои хабарнигори бахши туркмании Радиои Озодӣ, ҷорӣ шудани қоидаи нав дар оғози моҳи апрели имсол дар мавсими санҷиши сартосарии техникии мошинҳои корхонаҳои давлатӣ маълум гашт.

Акнун ранги тамоми воситаҳои нақлиёти идораҳои давлатӣ, аз ҷумла автобус, микроавтобус ва мошинҳои сабукрав бояд сафед бошад. Пештар ин талабот танҳо ба нақлиётҳои хусусӣ дахл дошт.

Дар сурати сафед набудани ранги мошин ронандаро ҷарима карда, нақлиётро ба таваққуфгоҳи ҷаримавӣ хоҳанд бурд. Нозирони роҳ сабаби ҷорӣ шудани қоидаи навро шарҳ намедиҳанд.

XS
SM
MD
LG