Дастаи «Истиқлол»-и Душанбе, ки дар бозии ниҳоӣ бар “Хатлон”-и Бохтар бо ҳисоби 1:0 ғолиб омад, бори шашум Ҷоми Федератсияи футболи Тоҷикистонро ба даст овард.
Бозии ниҳоии Ҷоми ФФТ-2021 миёни дастаҳои “Хатлон” ва “Истиқлол” 20-уми феврал дар Варзишгоҳи марказии Душанбе баргузор шуд. Голи ягонаро легионери украинӣ Алексей Ларин дар охири бозӣ (дақиқаи 90+4) ба самар расонид. Ба ин тартиб, “Истиқлол” бо Ҷоми ФФТ ва медалҳои тилло, “Хатлон” бо медалҳои нуқра сарфароз гаштанд.
Дастаҳои "Равшан"-и Кӯлоб ва "Регар-ТадАЗ"-и Турсунзода барои ҷойи севум мубориза бурданд. Ин бозӣ, ки 20-уми феврал дар Варзишгоҳи марказии шаҳри Ҳисор доир гардид, бо пирӯзии “Регар-ТадАЗ” бо ҳисоби 2:1 хотима ёфт. Футболбозони шаҳри Турсунзода бо медалҳои биринҷии Ҷоми ФФТ-2021 мукофотонида шуданд.
Бояд тазаккур дод, Ҷоми ФФТ аз соли 2012 бори даҳум сурат гирифт. Ҳамагӣ чаҳор даста ин Ҷомро ба даст овардааст. “Истиқлол”-и Душанбе шаш бор, «Регар-ТадАЗ»-и Турсунзода ду бор, “Хайр”-и Ваҳдат ва “Кӯктош”-и Рӯдакӣ якборӣ барандаи Ҷоми ФФТ гардидаанд.
Ҷоми ФФТ-2021
20-уми феврал (шанбе)
Бозӣ барои ҷойи севум
«Равшан» – «Регар-ТадАЗ» - 1:2
Сардовар: Насим Ҳамидов (Душанбе).
20-уми феврал. Ҳисор, Варзишгоҳи марказӣ.
Финал
«Хатлон» – «Истиқлол» - 0:1
Гол: Алексей Ларин, 90+4.
Сардовар: Хуршед Дадобоев (Хуҷанд).
20-уми феврал. Душанбе, Варзишгоҳи марказии ҷумҳуриявӣ.
Натоиҷи ҳамаи бозиҳои ниҳоии Ҷоми ФФТ (2012-2021):
2012 – «Регар-ТадАЗ» (Турсунзода) – «Хайр» (Ваҳдат) – 1:0
2013 – «Хайр» (Ваҳдат) – ССКА «Помир» (Душанбе) – 1:1. Аз рӯи пеналтӣ – 6:5
2014 – «Истиқлол» (Душанбе) – «Хайр» (Ваҳдат) – 2:0
2015 – «Истиқлол» (Душанбе) – «Хайр» (Ваҳдат) – 5:1
2016 – «Регар-ТадАЗ» (Турсунзода) – «Хуҷанд» (Хуҷанд) – 1:0
2017 – «Истиқлол» (Душанбе) – «Регар-ТадАЗ» (Турсунзода) – 2:1
2018 – «Истиқлол» (Душанбе) – «Регар-ТадАЗ» (Турсунзода) – 3:1
2019 – «Истиқлол» (Душанбе) – «Кӯктош» (Рӯдакӣ) – 5:2
2020 – «Равшан» (Кӯлоб) – «Кӯктош» (Рӯдакӣ) – 1:2
2021 – «Хатлон» (Бохтар) – «Истиқлол» (Душанбе) – 0:1
