Пайвандҳои дастрасӣ

Хабари нав

Фармондеҳи пулиси Руминияро аз кор ронданд


Николае Мога, вазири умури дохилии Руминия

Фармондеҳи пулиси Руминияро барои саҳлангорӣ дар қазияи таҷовузи ҷинсӣ ва қатли як духтари 15-сола дар шаҳри Каракал аз мақомаш барканор карданд.

Никола Мога, вазири умури дохилии Руминия рӯзи 26-уми июл гуфт, Иоан Буда ва ду афсари баландпояи дигарро барои кори сусти пулис дар пайдо кардани духтар аз кор ронданд. Иоан Буда аз моҳи июни соли 2018 фармондеҳи пулиси Руминия буд. Ба гуфтаи маркази қабули муроҷиатҳо барои ёрии фаврӣ духтараки 15-сола се дафъа ба онҳо муроҷиат кардааст, вале маъмурони пулис фақат баъди 19 соат ӯро пайдо кардаанд.

Ба гуфтаи мақомот, як таъмиргари 65-солаи мошин духтарро, ки мехост, ӯро аз рустое ба шаҳр расонад, таҷовуз карда, куштааст. Баъди гузориши матбуоти Руминия дар бораи ҳодиса, садҳо нафар шоми 26-уми июл дар назди хонаи муттаҳам ба ҷиноят ҷамъ омада, эътироз карданд.

Гузоришҳои видеоӣ

Ваъдаи кумак дар мубориза бо сӯхтори ҷангалҳои Амазон
лутфан мунтазир бошед

Феълан кор намекунад

0:00 0:01:38 0:00
XS
SM
MD
LG