Президенти Русия Владимир Путин ва ҳамтои фаронсавиаш Эммануэл Макрон қарор аст рӯзи 24 май дар шаҳри Санкт-Петербург ба хотири баррасии созиши ҳастаӣ бо Эрон ва ҳам мавзӯи Сурияву Украина мулоқот мекунанд. Сафари Макрон ба Русия нахустин сафари президентии ӯ хоҳад буд. Ҳафтаи гузашта ӯ дар мулоқот бо садри аъзам Ангела Меркел дар Олмон буд. Путину Макрон дар Фаронса соли гузашта чанд ҳафта баъди савгандёдкунии ӯ ба ҳайси президент дидор карданд. Вале дар ҷараёни маъракаи интихоботӣ Путин бо рақиби ӯ Марин Лё Пен дар Маскав дидор карда буд.