Пайвандҳои дастрасӣ

Хабари нав

Ҳамаи дастаҳои ширкаткунандаи мусобиқоти қаҳрамонии футзали Осиё, ки дар Тайбэйи Чин ҷараён дорад, маълум шуданд.

Чунонки сомонаи расмии Конфедератсиони футболи Осиё (AFC) хабар додааст, аз рӯи натиҷагирии марҳилаи гурӯҳӣ, ки 6-уми феврал ба анҷом расид, ҳашт дастаи мунтахаби миллӣ ба даври чорякниҳоӣ роҳ ёфт. Ҳамин тариқ, дар 1/4 финал Лубнон бо Ироқ, Тайланд бо Эрон, Узбакистон бо Ветнам ва Ҷопон бо Баҳрайн рақобат мекунанд. Ин бозиҳо 8-уми феврал баргузор мешаванд.

Бар асоси дастури мусобиқот минбаъд бозиҳо аз рӯи системи олимпӣ сурат мегиранд, яъне дастаҳои мағлубшуда аз ҳаққи идомаи мубориза барои медалҳо маҳрум мегарданд. Мусобиқоти қаҳрамонии футзали Осиё 11-уми феврал ба поён мерасад.

Ёдовар мешавем, дастаи мунтахаби футзали Тоҷикистон, ки дар гурӯҳи “В” бо 3 имтиёз ҷойи севумро гирифт, аз ҳаққи ширкат дар даври чорякниҳоӣ маҳрум шуд. Мунтахаби Тоҷикистон таҳти раҳбарии сармураббӣ Ҳусейн Шодиев дар ду бозиаш дар мусобиқоти қаҳрамонии Осиё аз тимҳои миллии Ҷопон ва Узбакистон бо ҳисоби якхелаи 2:4 шикаст хӯрда, дастаи Кореяи Ҷанубиро бо ҳисоби бузурги 7:0 шикаст дод.

Дар гурӯҳи “В” мунтахаби Ҷопон, ки дар ҳарсе бозиаш ғолиб омад, бо 9 имтиёз мақоми аввалро касб кард. Дастаи Узбакистон бо 6 имтиёз дувум шуд. Ҳарду даста – Ҷопон ва Узбакистон - ба чорякфинал баромаданд.

Бояд тазаккур дод, дастаи мунтахаби Тоҷикистон дар мусобиқоти қаҳрамонии футзали Осиё ҳамагӣ даҳ бор иштирок кардааст (солҳои 2001, 2005, 2006, 2007, 2008, 2010, 2012, 2014, 2016 ва 2018).

Натиҷаи беҳтарини мунтахаби Тоҷикистон ин роҳ ёфтан ба даври чорякниҳоии мусобиқоти қаҳрамонии футзали Осиё-2007 мебошад, ки дар Ҷопон барпо гардида буд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG