Субҳи имрӯз дар варзишгоҳи шаҳри Александрияи Амрико афроди номаълум дар вақти бозии баскетбол аз силоҳ оташ кушоданд. Шабакаи телевизионии CBS News мегӯяд, ки дар варзишгоҳ конгрессменҳо ҳузур доштанд.
Дастикам панҷ нафар осеб дидааст. Яке аз маҷрӯҳшудаҳо аъзои Конгресси ИМА ҷумҳурихоҳ Стив Скализ аст. Вазъи ӯ муътадил арзёбӣ мешавад. Ангезаи ҳамла маълум нест, пулис таҳқиқотро оғоз кардааст. Аз ҳодиса президенти ИМА-ро огоҳ карданд.
