Пайвандҳои дастрасӣ

Полиси ИМА: Гузмарӣ дар Ҳайворд пайдо шуд


Полиси шимоли Калифорния рӯзи 3 август дар бораи пайдо шудани як варзишгари ғайбзадаи албанӣ баъд аз Бозиҳои махсуси олимпӣ хабар дод.

Аз ин пеш полиси Лос-Анҷелес аз шаҳрвандон дархости кӯмак дар ошкор намудани макони будубоши Андӣ Гузмарии 44 соларо карда буд. Варзишгар баъд аз хатми Бозиҳои махсуси олимпӣ нопадид шуд – ӯро бори ахир рӯзи 31 июл дар хобгоҳи донишгоҳи Калифорнияи ҷанубӣ, ҷойи муваққати будубоши варзишгарон дида буданд.

Бино ба иттилои кормандони полис, Гузмарӣ субҳи 3 август ба қароргоҳи полис дар шаҳри Ҳайворди канори шаҳри Сан-Франтсиско омад. Ин шаҳр аз Лос-Анҷелес 500 километр дур аст. Ба иттилои полис, Гузмарӣ бо забони англисӣ ҳарф намезанад ва аз ин рӯ, то ҳол чӣ гуна ба Ҳайворд омадани ӯ маълум нест.

Бозиҳои махсуси олимпӣ аз 25 июл то 2 август идома карданд. Дар ин бозиҳо тақрибан 6500 варзишгари маъюб аз сартосари олам аз рӯи 25 навъи варзиш бо ҳам сабқат доштанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG