Рӯзи душанбеи 13 апреля дар фурудгоҳи шаҳри Нижневартовски Русия бори як шаҳрванди Тоҷикистон мусодира шуд, ки хостааст, бо 18 килограмм ҷӯроб вориди Русия шавад. Ин мусофири хатсайри ҳавоии «Хуҷанд – Нижневартовск» ба кормандони гумруки Русия гуфтааст, ки мехост 434 ҷуфт ҷуробро дар бозори шаҳр фурӯшад. Аммо бори ӯ ҳамчун моли эълоннашуда мусодира гашта, зидди ин шаҳрванд парвандаи маъмурӣ боз шуд. Дар ҳоли исботи ҷурм моли ӯ мусодира шуда, ба ғайр аз ин ба андозаи аз ду як ҳисса то ду баробари нархи молаш ҷарима хоҳад гашт.