Дар аёлати Бенуеи Нигерия аз зарбаи раъд калисои масеҳӣ фурӯ рехт ва 22 нафар ҷон доданд. 31 нафари дигар маҷрӯҳ шудаанд. 16 нафари кушташудагон занону кӯдакон будаанд. Намояндаи ҳукумати Нигерия ба хабаргузории Франс Пресс гуфтааст, шаби якшанбе ниёиши Иди пок дар ҳавои боз баргузор шуд. Вале оғози раъду барқ ва бориши шадиди борон тақрибан 3 ҳазор нафарро водор сохт, ки худро ба дохили калисо зананд. Яке аз деворҳои калисо зери таъсири боди шадид фурӯ афтод ва одамон зери девор монданд.
