Имрӯз, 27 феврал, Шӯрои ҳуқуқи башари СММ дар Женева ба баҳси ҳуқуқи инсон дар 6 кишвар, аз ҷумла Тоҷикистон, шурӯъ мекунад. Ин иҷлос то 23 март идома хоҳад ёфт. Имрӯз дар Брюссел Шӯрои умури хориҷии ИА масоили Қафқозу Балкан ва Тоҷикистон баҳс хоҳад кард. Ва интизор меравад, имрӯз ҳукми вазири собиқи умури дохилаи Украина Юрий Лутсенко эълон шавад. 27 феврали соли 1988 дар шаҳри Сумгаити Озарбойҷон арманиҳо қатли ом шуданд. 27 феврали соли 1991 ҷанги Халиҷ расман анҷом ёфт.
