Вазири дифоъи Амрико Леон Панетта гуфт, нирӯҳои Амрико ва боқӣ нирӯҳои хориҷӣ дар Афғонистон маъмуриятҳои ҷангии худро дар соли 2013 поён дода, соли 2014 машғули тамрини нирӯҳои афғон хоҳанд шуд. Ӯ изҳори умед кард, ки аз миёнаҳои соли оянда нақши нирӯҳои эътилоф аз ҷанг ба тамрин тағйир хоҳад кард. Панетта гуфт, чунин барнома дар Ироқ анҷом шуд ва акнун навбати Афғонистон аст. Нирӯҳои Амрико ва муттаҳидинаш бояд то поёни соли 2014 аз Афғонистон хориҷ шаванд.
