Боздиди Александр Лукашенко-раиси ҷумҳури Беларус аз Тоҷикистон 27 октябр сурат мегирад. Дар ин бора як мақоми ҳукуматӣ ба “Азия-Плюс” хабар додааст. Дар ҷараёни ин боздид миёни Тоҷикистон ва Беларус мувофиқатномаҳои ҳамкории миёни ду кишвар барои солҳои 2011-2020 ба имзо мерасад. Гардиши колои миёни ду кишвар дар 9 моҳи соли ҷорӣ 52,8 миллион долларро ташкил додааст. Аз Тоҷикистон ба Беларус аслан пахта содир мешавад. Тоҷикистон аз Беларус воситаҳои нақлиёт ва қисмҳои эҳтиётии онҳоро ворид мекунад.