Аҳмад Довутоғлу-вазири корҳои хориҷаи Туркия вориди Димишқ-пойтахти Сурия шуд ва интизор меравад, ки ба ҳукумати ин кишвар фишор орад, то ба саркӯбии тазоҳуроти зиддидавлатӣ хотима диҳад. Фаъолони ҳуқуқи башар мегӯянд, ки аз миёнаи моҳи март ба ин сӯ аз замони оғози тазоҳуроти зидди режими Башор Асад-раиси ҷумҳури Сурия дар ин кишвар беш аз 1 700 нафар кушта шудаанд. Туркия аз тарафҳои муҳими тиҷоратии Сурия ба шумор меравад ва ин ду кишвар бо якдигар 850 километр марзи муштарак доранд.
