Шӯришиёни Либия мегӯянд, ки онҳо шаҳракеро бо номи Қаволиш дар ҷануби Троблус-пойтахти кишвар ба контроли худ даровардаанд ва умедҳо барои расидан ба Троблус бештар шудааст. Хабаргузории Ройтерз навиштааст, ин шаҳрак баъд аз як рӯзи даргириҳои шадиди миёни нируҳои шӯришиён ва нируҳои вафодор ба Муаммар Қаззофӣ ба дасти шӯришиён гузаштааст. Шӯришиён дар ин даргириҳо 5 нафар аз размандагони худро талаф додаанд ва 15 нафари дигар захмӣ шудаанд.