Рӯзи ҷумъа Русия изҳори ташвиш кард, ки Гурӯҳи Байналмиллалии Тамос ба ҷои Шӯрои Амнияти СММ дар Либия нақши аслиро дар бӯҳорони ин кишвар бар ӯҳда гирифтааст. Сергей Лавров-вазири корҳои хориҷии Русия гуфт, “Гурӯҳи худсохт”-и кишварҳо аз амалиёти нируҳои хориҷӣ дар Либия ҷонибдорӣ мекунанд. Лавров ин суханонро дар мулоқоташ бо Янг Йечӣ-вазири корҳои хориҷии Чин дар Маскав изҳор дошт. Як рӯз пеш гурӯҳи тамос ба тавофуқ расид, ки барои кӯмак ба шӯришиёни Либия сандуқи кӯмак ташкил шавад.