Мақомоти шаҳри Гуанчжоу дар Чин барои озода нигоҳ доштани кӯчаҳои шаҳр қоидаҳои нав ҷорӣ карданд. Тибқи ин қоидаҳо ашхосе, ки одат доранд, пӯчоқи мева ё пасмондаи сигор ё сақичи худро ба кӯча партоянд, ба замин туф ё шоша кунанд, либоси шустаро ба сари деворҳо ё ҷои намоён овезанд ва мошини худро нодуруст истод намоянд, ҷазо дода мешаванд. Чунончӣ, барои туф кардан дар кӯча кас се холи манфӣ мегирад ва агар дар 2 сол 20 хол гирад, аз манзили худ дар ин шаҳр маҳрум мешавад. Шаҳрдории Гуанчжоу гуфтааст, ҳадаф дорад, фазои мутамаддин, поку амн ва мутавозинеро дар шаҳр ба вуҷуд орад.