Дирӯз дар наздикиҳои марз бо минтақаи ҷудоихоҳи Абхозистон як афсари полиси гурҷӣ ба қатл расида, ду нафари дигар маҷрӯҳ шудаанд.
Вазорати корҳои дохилии Гурҷистон мегӯяд, ки ҷудоихоҳон аз дохили Абхозистон оташ кушоданд. Аз замони юриши низомиёни Русия ба Гурҷистон дар моҳи августи соли равон то кунун се афсари Гурҷистон дар наздикиҳои марз бо манотиқи ҷудоихоҳи Осетияи Ҷанубӣ ва Абхозистон ба ҳалокат расидаанд.
