Бозиҳои олимпии Пекин дар ҳоли оғоз ёфтананд ва зиёда аз 80 сарвари давлату афроди ҳумоюнӣ дар расми ифтитоҳи Олимпиада дар варзишгоҳи миллии "Лонаи Парандагон" ширкат доранд. Ҷашни ифтитоҳ дар соати ҳашт ба вақти Пекин (панҷ ба вақти Душанбе) дар рӯзи ҳаштуми моҳи ҳаштуми соли ҳаштум шурӯъ шуд. Адади ҳашт, ки дар забони чиноӣ бо вожаи "сарват" ҳамсадост, хуштолеъ шумурда мешавад. Дар мусобиқаҳои Пекин, ки то 24-уми август идома мекунанд, даҳуним ҳазор варзишгар аз 200 кишвари дунё бо ҳам дар рақобат мешаванд.
