Теъдоди шикояти корбарон аз боз нашудани Ютуб дар "Сбой.рф" ба беш аз 8 ҳазор расидааст. Тибқи "Downdetector", корбарон дар саросари Русия шикоят кардаанд, ки наметавонанд ба шабака ворид шаванд.
"Сбой.РФ" ахиран хабар дода буд, ки дар кори шабакаи Ютуб дар Русия мушкил пеш омадааст.
Вакили Думаи давлатии Русия Александр Хинштейн гуфта буд, суръати кори шабакаи Ютуб дар ин кишвар баъди як ҳафта то 70 дарсад суст мешавад.
Хинштейн ин тасмимро “қадами маҷбурӣ” хонд, ки ба гуфтаи ӯ нисбати масъулини Ютуб равона шудааст. Ба бовари ӯ, паст кардани суръати кори Ютуб шумораи асосии корбаронро кам намекунад, чун аҳолӣ феълан дар таътил ҳастанд ва аз варианти мобилии Ютуб истифода мебаранд.
