Нино Гулистонӣ, Аноҳита Ҳиҷозӣ, Аноҳита Дӯстдор, Розито Раҷоӣ ва Нигин Адолатхоҳ моҳи ноябри 2023 дар шаҳри Рашт ва дар қатори фаъолони дигар дастгир шуда буданд.
Ба гузориши Радиои Фардо, бахши эронии Радиои Озодӣ аз 13-уми август Додгоҳи Ҷумҳурии Исломӣ онҳоро аз ҷумла ба “таблиғи зидди низом” гунаҳкор донистааст.
Рашт, шаҳре дар шимоли Эрон, дар ҷараёни тазоҳуроти "Зан, Зиндагӣ, Озодӣ" шоҳиди эътирозҳои густурда буд.
Ин тазоҳурот соли 2022 дар пайи марги Маҳсо Аминии 22-сола сар зад.
Аминиро бо айби бадҳиҷобӣ боздошт карданд ва ӯ дар бемористон фавтид. Наздиконаш гуфтанд, пулис Маҳсо Аминиро задааст.
