Ин маълумотро тарҳи таҳқиқотии "Система" аз феҳристи онлайнии Маркази миллии сертификатсияи Қазоқистон ва пойгоҳҳои дигар дастрас кард.
Зоҳиран Пескова рақами мушаххасро пеш аз моҳи сентябри соли 2022 гирифтааст. Зеро рақам аз сӯи Идораи даромадҳои давлатии шаҳри Нурсултон (Остона) дода шудааст. Номи пойтахти Қазоқистон аз моҳи марти соли 2019 то моҳи сентябри соли 2022 Нурсултон буд.
Рақами мушаххаси андозсупоранда барои дарёфти хидматрасониҳои давлатӣ ва бонкӣ муҳим мебошад.
Дарёфти ин рақам дар Қазоқистон аз сӯи русиягиҳо баъди ҳамлаи Русия ба Украина афзоиш ёфтааст. Шаҳрвандони Русия барои давр задани маҳдудиятҳои "Visa" ва "Mastercard" дар бонкҳои Қазоқистон ҳисоб мекушоянд.
