Артиши Исроил бе овардани тафсилот рӯзи 27-уми август гуфт, ин мард дар амалиёти печидае дар ҷануби Навори Ғазза озод гардид.
Ӯ 52-сола, соҳиби ду зану ёздаҳ фарзанд аст ва ба ҳайси посбони як корхона дар ҷануби Исроил кор мекард.
Ҷангҷӯёни "Ҳамос" дар моҳи октябри соли 2023 ба ҷануби Исроил ҳамла карда, ҳудуди 1200 нафар, аксаран ғайринизомиёнро кушта ва 250 нафарро гаравгон гирифтанд.
Ин ҳамла боис ба сар задани ҷанг дар Навори Ғазза гашт. Аз он замон то кунун беш аз 40 ҳазор фаластинӣ кушта шудаанд.
