Ҳукумати Амрико мегӯяд, раиси ҷумҳурӣ Ҷорҷ Буш дастур додааст, то захираҳои силоҳҳои атомии Иёлоти Муттаҳида то охири имсол ба таври чашмгире кам карда шавад. Дан Перино сухангӯи Кохи Сафед гуфт, ин дастур бо тавсияи вазорати дифоъ ва энержии Амрико дода шудааст. Ба гуфтаи вай баъди кам кардани миқдори силоҳҳои ҳастаии Амрико, захираҳои онҳо аз се як ҳиссаи шумораи силоҳҳои ҳастаии Амрико дар давраи поёни Ҷанги Сардро ташкил хоҳад дод.
