Раиси ҷумҳурии Амрико Ҷорҷ Буш ва нахуствазири Ироқ Нурӣ-ал-Моликӣ ба тавофуқ расиданд, ки соли оянда як мулоқоти расмиро дар заминаи баррасии сарнавишти ояндаи нирӯҳои Амрико дар хоки Ироқ ташкил кунанд. Кохи Сафед гуфт, умедвор аст, ки хатми баррасиҳои ин масъалаҳо то июли соли 2008 барои ба чаҳорчӯби қонунӣ даровардани шакли ҳамкориҳои дарозмуддати сиёсиву иқтисодӣ ва низомии миёни ду кишвар мусоидат хоҳад кард.
