Имрӯз дар Душанбе масоили таъсис ва ташаккули бозори воҳиди нерӯи барқ дар кишварҳои узви Созмони иқтисодии АвруОсиё ё ЕврАзЭС мавриди баррасӣ қарор мегиранд. Дар нишасти серӯзаи Шӯрои сиёсати энержии ЕврАзЭС иштироки мақомоти зирабти кишварҳои узви ин созмон дар назар аст. Ҳамзамон дар ин рӯзҳо дар Душанбе ҳамоиши муштараки кумиссиюнҳои марбут ба таъсиси бозори воҳиди барқӣ ва ҳамкорӣ дар риштаи нафту гоз ва ангишт доир мешавад. Дар пайи ин нишастҳо қарор аст консепсияи бозори ягонаи энержии кишварҳои узви созмони ЕврАзЭС ба имзо расад.
