Маҳмуди Аҳмадинажод – раисиҷумҳури Эрон имрӯз дар як гирдиҳамоӣ дар шаҳри Бирҷанд, воқеъ дар шарқи кишвар гуфт, ки айни ҳол Эрон 3 ҳазор сентрафуга дар ихтиёр дорад. Барои нахустин бор Теҳрон расман эълом дошт, ки корхонаи Натанз бо сентрафугаҳо барои ғанисозии ураниум комилан таъмин шудааст.
Кишварҳои Ғарб, аз ҷумла, Иёлоти Муттаҳида Эронро дар талоши дастёбӣ ба силоҳи ҳастаӣ муттаҳам мекунанд ва аммо Теҳрон мегӯяд, ки барномаи ҳастаияш фақат аҳдофи осошта дорад.
