Дар давоми 9 моҳи ахир ширкатҳои хориҷӣ дар вилояти Суғд беш аз 97 милиён доллар сармоягузорӣ кардаанд, ки назар ба соли гузашта ду баробар бештар аст.
Дар ин бораи раиси идораи сармояҳо ва дороии давлатии вилояти Суғд Анвар Ёқубов иттилоъ додааст. Ба гуфтаи ӯ, дар ҳоли ҳозир дар вилоят 21 тарҳи сармоявӣ амалӣ мешавад, ки сармоягузории онҳо дар ҷамъ ҳудуди 1 миллиард долларро ташкил медиҳад.
