Мақомоти Покистон эълом карданд, ки инфиҷор дар назди як корвони низомӣ дар шимолуғарби ин кишвар сабаби ҳалокати дасти кам 18 нафар шудааст. Ин таркиш имрӯз 25 октябр дар роҳе дар ноҳияи Свот ба вуқӯъ пайвастааст, ки ҳамин ҳафта мақомоти Покистон барои муқовимат бо тарафдорони як рӯҳонии ҷонибдори Толибон ба онҷо 2 500 маъмури амниятиро фиристода буданд. Айни ҳол маълум нест, ки инфиҷор бар асари бомби ҷогузоришуда дар канори роҳ буда ва ё ҳамлаи интиҳорӣ.
