Ба думболи қатли 19 тазоҳургар ва маҷрӯҳ кардани садҳо тани дигар, имрӯз нерӯҳои амниятӣ ва мардони мусаллаҳ дар либоси ғайринизомӣ дар шаҳри Таизи Яман дигарбора ба сӯи тазоҳуркунандагон оташ кушодаанд. Шоҳидони айнӣ мегӯянд, чандин нафар маҷрӯҳ шудаанд. Имрӯз аз шаҳри бандарии Ҳудайдаи Яман низ доир ба даргирӣ миёни нерӯҳои амниятӣ ва тазоҳургарон гузориш расид. Аз моҳи феврал аз замони шурӯъи тазоҳуртҳо алайҳи Алӣ Абдулло Солеҳ, раиси ҷумҳури Яман, ки 32 сол ҳукумат мекунад, то кунун бештар аз 150 нафар кушта шудаанд.
