Захарова рӯзи 16-уми август дар Телеграм навишт: “Бори аввал аст, ки ба вилояти Курск бо мушакандозҳои ғарбӣ, ғолибан HIMARS – и амрикоӣ зарба заданд.” Тасдиқи мустақилонаи иддаои ӯ номумкин аст.
Ӯ афзудааст, “ихтиёриёне, ки барои кӯч додани мардуми ғайринизомӣ кӯмак мекарданд, дар ҳамла кушта шуданд. Пули мазкур дар рӯдхонаи Сейм батамом вайрон шудааст.
Ба гуфтаи мақомоти амниятии Русия, вайрон кардани пул мушкили интиқол додани мардум ба ҷойҳои амн ва берун аз вилояти Курскро сахттар кардааст.
Ҳукумати Украина мегӯяд, ки пас аз ҳамлаи ғофилгирона ба қаламрави Русия дар рӯзи 6-уми август то кунун 1150 километри мураббаи ин кишварро таҳти назорат даровардааст.
